1976 දී නිපදවන ලද ඇපල් පරිගණකයක් ඩොලර් 668000 කට විකිණේ .

1976 දී ස්ටීව් ජොබ්ස් සහ  ස්ටීව් වොස්නියෙක් විසින් තම නිවසේ ගරාජය තුලදී නිපදවන ලද ඇපල් පරිගණකයේ ක්‍රියාකාරී මොඩලයක් ( functioning  model) ජර්මන් වෙන්දේසිකරුවකු විසින් ඩොලර් 668000 ක මුදලකට විකුණා තිබේ .  බ්‍රේකර් නම් මෙම වෙන්දේසිකරු පවසන අන්දමට නම ප්‍රසිද්ධ කිරීමට අකමැති ආසියානු පාරිභෝගිකයෙකු විසින් පසුගිය දිනෙක , මෙම ස්ටීව් ජොබ්ස් සහ  ස්ටීව් වොස්නියෙක් විසින් තම නිවසේ ගරාජය තුලදී නිපදවන ලද ඇපල් 1 නම් පරිගණයක්  මිලදී ගැනීමට කල විමසීම අනුව මෙම ගනුදෙනුව සිදු වී ඇත .

බ්‍රේකර් පවසන අන්දමට මෙම පරිගණකය එම වර්ගයේ ලෝකයේ දැනට  ක්‍රියාකාරී පරිගණක ආකෘති 6 න් එකකි . මොහු විසින් එම වර්ගයේ පරිගණකයක් පසුගිය වසරේදීද යුරෝ  492,000 ක මුදලකට විකුණා ඇත.

මෙම පරිගණකය 1976 වසරේදී ඩොලර්  666 ක මුදලකට විකුණා ඇත.මෙය  පරිපථ පුවරුවකින් එහි  ආවරණයෙන්   සහ  යතුරු පුවරුවකින් සමන්විත වූ අතර පරිගණක තිරය වෙනමම මිලදී ගත යුතු විය.